Zarata, oihuak, argiak eta sekulako giroa
Eszenatokiaren atzealdean betikoa
Urduritasuna, beldurrak eta gogoak
Kontzertua hastera doa!
Lau lagun, lau soinu, lau mundu
Gitarra, baxua, bateria eta ahotsa
Milaka sentimendu azalean izan arren
Jarraitzen duten ametsa, berdina da.
Konturatzen zarenean, kontzertua amaitzear dago
Zure eztarriko korapiloa ari da desagertzen
Barnean gogor isurtzen duen odola sentitzen duzu
Bertan geldituko zinateke betirako goxatzen
Pertsonen ahotsak zurea estaltzen dute
Begiak ixten dituzu, momentua disfrutatu nahian
Zure gorputza hegaka dabil, aske, mugarik gabe
Hainbeste lan egin ostean, ametsa egia bihurtzen da.
Ezin eskertu beti hor dauden pertsonei,
Ezin azaldu barnean sentitzen duzuna
Askotan, ezin errepikatu egindakoa
Horrelakoa da ba, musikarien mundua!
